حذف حسابك بكاردي
تكدر تسد حسابك بأي وقت، من التطبيق أو تراسلنا. هنا الطريقة، وشنو يصير بعدها.
1
من التطبيق
- افتح كاردي وسجّل دخولك.
- روح لتبويب الحساب.
- دوس على حذف الحساب بآخر الشاشة وأكّد.
2
بالإيميل أو الواتساب
ما تكدر تفتح التطبيق؟ راسلنا على info@cardyiq.com أو على الواتساب من رقم التلفون المسجّل بحسابك واطلب الحذف. نتأكد إنه أنت، ونسد الحساب خلال 30 يوم.
شنو يصير بعدها
- تطلع من حسابك وما تكدر تستخدمه بعد.
- رقم تلفونك يبقى محجوز للحساب المسدود. إذا تريد ترجع بعدين، تواصل ويا الدعم ونرجع نفتحه.
- سجلات الدخوليات والمدفوعات والتسويات تبقى حتى تسويات الصالات ووصولاتك تبقى صحيحة. والسجلات المالية تنحفظ للمدة اللي يفرضها القانون العراقي.
- النقاط اللي ما مستخدمها ما تنرجع ولا تنصرف نقداً.
- تريد هم نمسح بياناتك الشخصية؟ اطلبها على info@cardyiq.com ونمسح كل شي مو مجبورين قانونياً نحتفظ بيه، خلال 30 يوم.